>>>>>>
DOKUTAM
DokuTam Mükafat Sahibləri – DokuBaku 2025
Əsas Mükafat: iMystic
Münsiflərin Qeydi
2025-ci il DokuBaku Beynəlxalq Sənədli Filmlər Festivalı çərçivəsində DokuTam kateqoriyasının qaliblərini elan etməkdən böyük məmnunluq duyuruq!
DokuTam bölməsi Azərbaycanın və dünyanın müxtəlif ölkələrindən seçilmiş ən təsirli tammetrajlı sənədli filmləri təqdim edir. Bu platformada orijinal səslər, cəsarətli artistik baxışlar və unikal yerli perspektivlər bir araya gələrək dünyamızın zənginliyini və müxtəlifliyini əks etdirir.
Bütün qalib rejissorlara sənədli kino sənətinin Azərbaycanda inkişafına verdikləri dəyərli töhfəyə və qazandıqları uğurlara görə səmimi təşəkkür və təbriklərimizi çatdırırıq.
Sizin filmlər tamaşaçıları ilhamlandırır, dərin müzakirələrə yol açır və dövrümüzün ruhunu səmimiyyət və yaradıcılıqla əks etdirir.
Bütün qalibləri bir daha təbrik edirik!
Əsas DokuTam Mükafatı - iMystic
Evin Qapısını Kim Döyəcək? | Maja Novakoviç | Serbiya | 1:24:00
Münsiflərin qərarı:
Münsiflər heyəti yekdilliklə bu ilin sənədli kino mənzərəsində özünəməxsus yer tutan bu filmi seçdi. Film yavaş tempdə açılır, tabloyu xatırladan misilsiz gözəllikdə kadrlarla doludur. Mərkəzdə tənha bir insan və atı dayanır, lakin onun daxilində başqa bir qat — gözləmək və ya xəyal etmək halı — gizlənmişdir.
DokuTam kateqoriyasının Əsas Mükafatı təqdim olunur: Evin Qapısını Kim Döyəcək filminə, rejissor Maja Novakoviçə.
Münsiflərin Qeydi
Evim | Seyran Mahmudoğlu | Azərbaycan | 1:09:40
Münsiflərin qərarı:
Evim “ev” anlayışını çox dərin və səmimi şəkildə təsvir edən bir filmdir. Bu, postsovet məkanında bir çoxları üçün tanış və nostaljik bir hekayədir. Münsiflər üçün bu filmi qeyd etmək və təltif etmək vacib idi.
Xüsusi qeyd təqdim olunur: Evim filminə, rejissor Seyran Mahmudoğluya.
Atanın Laylası | Lesia Diak | Ukrayna | 1:18:25
Münsiflərin qərarı:
Uzun illər müharibədən sonra evə dönən bir kişinin hekayəsini içəridən, yaxın və həssas bir baxışla təqdim etdiyinə; kamera önündə gördüklərimizlə arxasında hiss etdiklərimiz arasında güclü kino əlaqəsi yaratdığına görə —
Xüsusi Qeyd təqdim olunur: Atanın Laylası filminə, rejissor Lesia Diaka.
İkiqat Çətinlik | Emilia Śniegoska | Polşa | 1:11:00
Münsiflərin qərarı:
Bizə Rumıniyada yerləşən bir Polşa kəndini göstərdiyinə və burada tənha şəkildə, lakin bir-birilə gündəlik dərin ünsiyyətdə yaşayan iki qeyri-adi qadının həyatını tanıtdığına görə; onların yaddaş, bu gün və gələcəklə apardıqları dialoqu, gündəlik həyatın çətinliklərinə baxmayaraq qoruduqları yumoru ilə bu hekayə xüsusi təsir bağışlayır.
Xüsusi qeyd təqdim olunur: İkiqat Çətinlik filminə, rejissor Emilia Śniegoskaya.
DokuTam kateqoriyasının münsifləri — Giuseppe Gariazzo, Polina Herman və Tue Steen Müller — göstərdikləri əvəzsiz əmək və diqqətli yanaşmalarına görə dərin minnətdarlığımızı bildiririk.
