DokuBaku_Loqo_Black.png

Hisslər± zamanı

DokuBaku BSFF-nın beşinci buraxılışı 03 - 07 noyabr, 2021 tarixlərində Bakıda keçiriləcəkdir.


2017-ci ildə yaradılmış festival ilk müstəqil beynəlxalq sənədli film festivalıdır, məqsədi dünyanın hər
yerindən qabaqcıl sənədli filmləri təqdim etməkdir. Festival, eyni zamanda, hər il olduğu kimi, yeni
müəllifləri aşkarlamaq və yerli sənədli film üzrə filmmeykerlərə dəstək vermək niyyətindədir.


Builki festivalın əsas mövzusu «Hİsslər±» dir.


Hazırki dövrdə insanların hissləri sosial inkişaf, siyasi mühit, maddi rifah və qlobal pandemiya kimi ciddi
sınaqlara məruz qaldığına görə belə bir seçim edilib. Fərdi təcrübələri və fiziki vəziyyəti də daxil olmaqla,
bütün bunlar insanın dünyanı necə qavradığına təsir edir. Bu il münsiflər heyətini insanların daxili və
xarici dəyişimlərinə, özünü axtarışlarına və yer üzündə var olma anlamlarına həsr olunmuş filmlər
xüsusilə maraqlandıracaq.
Bu il müsabiqədən kənar filmlər də nümayiş olunacaq. Bundan əlavə, festival çərçivəsində Azərbaycan
sənədli filmlərinin retrospektivi
təşkil olunacaqdır. Bu, mərhum azərbaycanlı ssenarist və rejissor Çingiz
Rəsulzadə
nin xatirəsinə həsr olunacaq.


Müraciətlər 20 sentyabr tarixinədək FilmFreeWay üzərindən təqdim oluna bilərlər.

Hisslər± kainatı

Beş hissimiz kifayətdir ki, ətrafımızdakı dünyanı tanıyaq.

Bu hisslərdən yalnız birini itirmək insan üçün əsl faciə deməkdir. Hamımızın bir seçimi var; görmək və ya özünü kor kimi aparmaq, qulaqlarımızın eşitməsi və ya onları tıxamaq, danışmaq və ya susmaq, hiss etmək və ya ürəyimizi daşa döndərmək.

Hər gün özümüzdən soruşmalıyıq:

 

Biz kimik? Biz nəyik? Haradayıq?

 

Bu cür sadə suallar çox vaxt cavabsız qalır, çünki bizim əsas hissimiz qorxudur. Gerçəyi görməkdən,həqiqəti eşitməkdən, səsimizi eşitdirməkdən və aciz görünməkdən qorxuruq. Gücümüzisə müdafiə rolunu oynayır, ətrafımızda heç kimin heç vaxt fəth edə bilməyəcəyini zənn etdiyimiz qalalar inşa edirik. Lakin hisslərimizi itirərək məğlub oluruq, özümüzə qayıdış yolunu tapanda isə qalib gəlirik.

 

Gözlərinizi açın, dünyanın siqnallarını dinləyin, havaya toxunun və həyatı qoxlayın.

Bu, mövcud olmağımızın yeganə yoludur.

  • Black Facebook Icon
  • Black Twitter Icon
  • Black Instagram Icon