DokuBaku Beynəlxalq Sənədli Film Festivalı bu il 26 Sentyabr – 01 Oktyabr həyata keçiriləcək və festivalın

7-ci buraxılışı "KosmoDarvinizm: Dolça Əsri"nə həsr olunur.

​

Süni intellekt, klonlaşdırma və kosmik turizm artıq həyatımızın reallığına çevrilib. Bəşəriyyət məchul ilə gerçək, ilahi gücün qəbulu ilə elm arasındakı xətti aradan götürməkdədir. İnsan adi və ənənəvi dünya qavrayışından yayınaraq yeni qaydalar müəyyən edir, kosmosun dərinliklərinə baxaraq getdikcə Yer kürəsindən ayağını üzür.

Kataklizmlər və müharibələr nəticəsində planetimiz daha sürətlə fırlanmağa başladı, həyatımızın sürəti də günü-gündən artır. Əsrlər boyu həyat tərzi dəyişməmiş əcdadlarımızın necə yaşayıb-yaratdığı ilə müqayisədə, biz daha sürətlə yaşayır və işləyirik. Bu gün müasir texnologiya bizə yeni həyat tərzini diktə edir, yaşamağa vaxt tapmaq üçün onunla razılaşmaq məcburiyyətindəyik.

​

İndi bəşəriyyət Dolça əsrinə qədəm qoyduğuna görə, biz qloballaşmaya və sehrdən fərqlənməyən elmin sürətli inkişafına hazır olmalıyıq. 30 il əvvəl bizə yalnız ssenaristlərin və yazıçıların ixtirası kimi görünən ideyalar artıq həyata keçir və varlığımızın bir hissəsinə çevrilir. Bu yeni era eyni zamanda, doqmalardan fərdi daxili azadlığı gətirir və hər bir insanın həyatı, harmoniyası və xoşbəxtliyi üçün şəxsi məsuliyyət daşıyır. Qarşıdakı dəyişikliklərin öhdəsindən nə dərəcədə yaxşı gələcəyimizi zaman göstərəcək.

​

Festivalın məqsədi sənədli film yaradıcılarının mövcud dəyişikliklər haqqında nə düşündüklərini öyrənmək, eləcə də dövrümüzün reallığı olan rəqəmsallaşma və həyatın çılğın tempi ilə bəşəriyyət necə ayaqlaşa bilər, insana dəyər biçən kimdir, insan texnologiyadan istifadə etmədən uğur qazanmaq arzusunun öhdəsindən ən yaxşı şəkildə necə gələcək kimi suallar çərçivəsində kinematik araşdırmaları bölüşməkdir.